Аялал жуулчлалын зорих газар хичээлийн лекцүүд нийт 59 хуудас word дээр бэлтгэсэн. Аялал жуулчлалын зорих газрын систем, Жуулчдын зорих газрын түүний хөгжил. Зорих газрын менежмент түүний хөтөлбөр. Аялал жуулчлалын бүсчилсэн хөгжлийн хандлага. Бүсчилсэн хөгжлийн маркетингийн стратеги дахь бүс нутгийн нөөц, бүтээгдэхүүн үйлчилгээ. Монголын аялал жуулчлалын бүс нутаг гэх мэт.
Жуулчдын зорих газрын тухай ойлголт
Аялал жуулчлалын явцад орон зайн өөр хоорондоо ялгаатай хэд хэдэн ойлголт үүсдэг. Үүнд:
1.	Өөрийн байнга оршин суудаг газар нутаг
2.	Дамжин өнгөрөх газар
3.	Жуулчлалаар очсон газар
Тэрхүү жуулчлалаар очсон газар хэмээн томъёолж буй газрыг аялал жуулчлал судлалд “зорих газар” буюу destination гэдэг. Профессор Клэйр Ганн /Clare Gunn/ жуулчны зорих газрыг дараах байдлаар тодорхойлсон байна. “Жуулчдын зорих газар гэдэг нь аялагчдын амралт чөлөөт цагаа аятай таатай өнгөрүүлэхэд зориулагдсан үйлчилгээ болон үзмэрүүдийг төвлөрүүлсэн газрыг хэлнэ” Ер нь жуулчдын зорих газар гэдгийг тайлбарласан зарчмыг 3 ялгаатай аргачлалаар тодорхойлсон байдаг.
1.	Уламжлалт онолын тодорхойлолт ёсоор:
Жуулчдын зорчих газар гэдэг нь “Жуулчдын амралт чөлөөт цагаа өнгөрүүлдэг газар” бөгөөд дараах гол элементүүд багтсан байдаг.
	Тодорхой газар нутаг (place)
	Аялал жуулчлалын үйлчилгээний байгууламжууд (service facilities)
	Аяллын сэдэл шалтгаан, үзмэр болохуйц хүчин зүйлс (tourist attractions)
	Амралт чөлөөт цаг, аяллын идэвхитэй үйл ажиллагаа (Ieisure and travel activities) 
2.	Орчин үеийн онол ёсоор	
Энэ нь “Хүмүүсийн амралт чөлөөт цагаа идэвхитэй хэлбэрээр өнгөрөөхөөр сонгодог газар” бөгөөд дараахи элементүүдийг багтаадаг.
	Аялах бүс нутаг (area) Жишээлбэл далайн эрэг, хот, зэрлэг онгон байгаль, алс бөглүү үзэсгэлэнт газар нутаг  гэх мэт.
	Сонголтууд (choice) Энд аялагчдыг татах хүчин зүйлс, үйлчилгээ, аялах газрууд болон аяллын явцад хийх боломжтой үйл ажиллагаа зэргийн хувьд сонголттой байх ёстой ажээ.
	Аялал жуулчлалын нөлөөллүүд (effects or impacts) Аялал жуулчлалаас эдийн засаг, нийгэм, соёл, байгаль хүрээлэн буй орчин, экологид үзүүлэх эерэг болон сөрөг нөлөөллүүдийг багасгах арга хэмжээ байх. Жишээ нь хэдийгээр нутгийн иргэдэд  орлого оруулах, тухайн бүс нутгийг хөгжүүлэх гэх мэт сайн талтай ч гэсэн эргээд хар тамхи, гэмт хэрэг зэргийг нэмэгдүүлж болхоос гадна