ГАРЧИГ
НЭГ.  АШИГТ МАЛТМАЛЫН ОРД БА БҮС НУТГИЙН ЕРӨНХИЙ МЭДЭЭЛЭЛ	
Районы гадаргуу: Районы зарим хэсэгт хүчтэй хэрчигдсэн, дунд зэргийн өндөртэй гадаргуугийн төрх зонхилох ба үнэмлэхүй өндөржилт 800 м-ээс /Баянголын хөндий/ 1040м /усан хагалбар/-т хэлбэлзэнэ. Усан хагалбаруудын харьцангуй өндөржилт 200-250 м хүрнэ. Хамгийн өндөр үнэмлэхүй өндөртэй Далайн уул /1512,4м/ ордоос зүүн тийш оршино. 
Усан сүлжээ: Тухайн районд голын сүлжээ сайн хөгжсөн. Гол томоохон усны тэжээгдлийн эх нь ордоос баруун урагш 15км-т урсах олон тооны цутгалуултай Ерөө гол юм. Ерөө голын өргөн гольдролын хэсэгтээ 40-200м, хөндийн хэсэгтээ 500-1500м, урсгалын хурд 0,8-2,0 м/сек хүрнэ. 
Ерөө голын баруун цутгалуудаас Шар горхиор тэжээгддэг Баянгол нь ордын  баруун биетийн баруун урд захаар урсаж өнгөрнө. Баянголын гольдиролын өргөн 1.5-4.0 м, хөндийн өргөн 0.8-1.2 км. Голын хөндийн зарим хэсэгтээ намагжсан байх /Баруун хэсэг/ ба урсгалын хурд 0,6-1,0 м/ сек. Зуны улиралд Баянголын ундарга эрс багасдаг. 
Голын тэжээгдэлийн эх нь Шар горхи болон гүний болон эрдэст булгууд “Баян голын рашаан” болдог. Баянгол нь ордод хамгийн ойрхон орших ангийн ундны болон техникийн усны хэрэгцээг хангах эх ундарга болно.
Уур амьсгал: Районы цаг агаар нь хоногийн /20-250/ болон жилийн /500 хүртэл/ их хэлбэлзэлтэй эх газрын эрс тэс шинжтэй. Зун нь халуун, заримдаа бороорхог, харин өвөл нь хүйтэн, хуурай. Хоногийн дундаж температур өвөлдөө: 1-р сард -16,50 -34,10, зундаа: 7-р сард + 10,80-+25,30. Хур тунадас жилийн турш жигд биш унадаг. Хур тунадасны ихэнхи нь бороо байдлаар 6-аас 9-р сард унана. Жилийн тунадасны нийт хэмжээ -350 мм. /270 –аас 435 мм хүртэл/.
Ургамал: Район нь ойт тайгын бүсд байрлах ба ургамлын зүйл баян олон төрлийн байна. Хөндийн хажуу ба усан хагалбаруудад холимог ой ургах ба хус нарс зонхилно. Энд ойн нөөц арвин бөгөөд уулын үйлдвэрийн шаардлагатай хэрэгцээг хангах боломжтой.