Аваар устгах төлөвлөгөө
1. ЕРӨНХИЙ ЗҮЙЛ

Энэхүү бичиг баримт нь “СС Монголиа” ХХК-ийн Баян-Өлгий аймгийн Цэнгэл сумын нутагт орших Ховдголын гянтболдын уурхайн Аюулгүй ажиллагааны нэгдсэн дүрмийн хүрээнд боловсруулагдсан, уурхайн талбайд гарсан аливаа осол аваарийг эхний үе шатанд түргэн шуурхай арилгаж, осолд өртсөн ажилтнуудыг аюулгүй байранд хүргэх хүртэл зайлшгүй хийгдэх бүх арга хэмжээг тусгасан, аваар устгах анги, түүний удирдлагын багийн гүйцэтгэх ажил үүргийн хуваарь бүхий заавал мөрдөх баримт бичиг болно.
Аваар устгах ажлын хариуцлагатай удирдагч нь уурхайн ерөнхий инженер байх бөгөөд аврах ангийн удирдагч байна.Түүнийг хүрэлцэн иртэл уурхайн диспетчер энэ үүргийг гүйцэтгэнэ. Аваар устгах ажлын удирдлага нь уулын цехийн нарядын өрөөнд байрлана.Уурхайн талбайд нэг ээлжинд 10-аас доошгүй хүний бүрэлдхүүнтэй, сайн дураар сонгогдсон Аврах ангийг байгуулж, аваар устгах төлөвлөгөөг хэрэгжүүлэх тогтмол сургалтанд хамруулна.
Аваар устгах төлөвлөгөө нь бүх хавсралтын хамт уурхайн ерөнхий инженер, диспетчер, УУАА-ны дарга нарт тус тус байх бөгөөд хэсгийн ахлагч нарт тэдний тэдний хэсэгтэй холбогдсон аваар устгах төлөвлөгөөний хуулбар, уурхайгаас ажилтан гаргах замыг заасан чиглэлийн хамт байна.
Уурхайд ажиллаж байгаа ИТА, ажилчид болон тэнд ажиллаж буй бүх хүмүүсийн эрүүл мэнд, хөдөлмөрийн чадвар, амь насыг хамгаалах аюулгүй ажиллагааны зааварчилгааг хөдөлмөрийн аюулгүй байдал, эрүүл ахуйн инженер өдөр бүр ажил эхлэхийн өмнө хүн бүрт биечлэн танилцуулна.
Уурхайн гүнд ажиллагсдад ажилд гарах бүрийн өмнө хөдөлмөр хамгаалал, аюулгүй ажиллагааны дүрэм болон аваар устгах төлөвлөгөөг тогтмол танилцуулж, хөдөлмөр хамгааллын дэвтэрт танилцсаныг мэдэгдсэн гарын үсэг зуруулж байна.
Уулын үйлдвэрийн ерөнхий инженерийн боловсруулж, компаний захиралын баталгаажуулсан хөдөлмөр хамгаалал, аюулгүй ажиллагааны зааварчилгаа болон уурхайн аваар устгах төлөвлөгөөг ажиллагсадын байнга хараанд өртөх газарт байрлуулна.
Үргэлжлэл ,,,,,,,,,,,,,,,,,,,,,,,,,,,,,,,,,,,,,,,,,,,,,,