ТӨСЛИЙН ТОВЧ ТАЙЛБАР

Монгол улсад аялал жуулчлал анх үүссэнээс хойш 40 гаруй жил өнгөрсөн бөгөөд энэ хугацаанд манай оронд айлчилж буй жуулчдын тоо нэлээд хэмжээгээр өсч, энэ салбар нь эдүгээ Монгол улсын экспортын нилээд хувийг эзлэх болжээ.

Гадаад дотоодын аялагч жуулчдад зориулсан үйлчилгээний өндөр соёл бүхий дээд зэргийн тохилог орчинг бүрдүүлж чадсан жуулчны бааз байгуулна.


Хоёр. ТӨСЛИЙН ҮНДЭСЛЭЛ

Аялал жуулчлал манай оронд хэдийгээр хурдацтай хөгжиж тодорхой амжилтанд хүрсэн боловч дэлхийн аялал жуулчлалын салбарын хөгжлөөс хол хоцорсон байна. Аялал жуулчлал нь харьцангуй бага хөрөнгө оруулалтаар орлого олж чадах ба бусад үйлдвэрлэл үйлчилгээний салбарт эдийн засгийн үр нөлөө үзүүлж чадах ашиг ихтэй үйлдвэрлэл юм.

Манай улсад үйл ажиллагаа явуулж байгаа жуулчны баазууд нь Монгол орны унаган байгал, нүүдэлчин ардын ахуй амьдрал, соёл иргэншлийг гадаад орны аялагч жуулчдад үзүүлж эх орноо дэлхий нийтэд таниулан сурталчлах гэж чармайн ажиллах боловч тодорхой шалтгаануудын улмаас энэхүү оролдлого бүтэлгүйтэх тохиолдол байдаг. Үүний гол шалтгаан нь нэг газарт хэт олноор төвлөрөх, байгалийн бэлэн үзмэрийн хүрээнээс халилгүй үйл ажиллагаа явуулдаг, үзүүлж буй үйлчилгээ нь хаана ч очсон адил, чанар муу байдаг зэрэг юм.