Удиртгал
Сэдэв сонгосон үндэслэл: Байгаль орчны бохирдол бол Монгол улс төдийгүй дэлхий нийтэд тулгамдаж буй эмзэг асуудлуудын нэг билээ. Байгаль орчин бохирдож улмаар экологийн тэнцвэр алдагдвал амьд амьтан, эх дэлхий, хүн төрөлхтөн аль алиных нь эрүүл мэнд, аж амьдралд ноцтой аюул учирна. Тиймээс миний бие Байгаль орчны бохирдлоос хамгаалах эрх зүйн зохицуулалт сэдвийг курсын ажлын сэдвээрээ сонгосон болно.
Судалгааны ажлын зорилго: Байгаль орчны бохирдлоос хамгаалах эрх зүйн зохицуулалт сэдвийн хүрээнд уг асуудлын тухай ойлголт, онцлог, эрх зүйн зохицуулалтын уламжлал, зохицуулалтанд тулгамдаж буй асуудал зэргийг судлан авч үзэн өөрийн дүгнэлт, санал хийхийг зорилоо.
Судалгааны ажлын зорилт: Байгаль орчны бохирдлоос хамгаалах эрх зүйн зохицуулалтанд дутагдаж байгаа асуудлыг олж боловсронгуй болгоход өөрийн санал, дүгнэлтээ дэвшүүлэхэд оршино.
Судалгааны арга: Энэхүү судалгааны ажлыг бичихдээ диалектик, түүхчлэх, статистик тоо бүртгэл, социологи, баримт бичиг судлал, харьцуулах, нэгтгэн дүгнэх зэрэг судалгааны аргуудыг ашиглана.
Сэдвийн судлагдсан байдал: Байгаль орчны бохирдлоос хамгаалах эрх зүйн зохицуулалтын талаархи судалсан судалгааны ажил хараахан хомс байна. Ц.Амарсанаа Байгаль орчны хууль эрх зүйн асуудал ба бэлчээрийн тухай эрх зүйн зохицуулалт сэдвээр эрдэм шинжилгээний нийтлэл, өгүүлэл бичсэн байна.
Судалгааны ач холбогдол: Энэ курсын ажлыг байгаль орчны бохирдлоос хамгаалах эрх зүйн зохицуулалтын талаар мэдлэг ойлголт олж авч уг асуудлын эрх зүйн зохицуулалтад дутагдаж мөн тулгамдаж байгаа асуудлыг олж тогтоохоос гадна судалгааны ажлын арга зүй, туршлага олж авах ач холбогдолтой.