1.2. 1 Төслийн үндэслэл

Монгол улсын засгийн газраас айл өрх, иргэдийн амьжиргааг дэмжих, тогтвортой орлогын эх үүсвэртэй болгох, жижиг дунд үйлдвэрлэлийг дэмжих, хувиараа хөдөлмөр эрхлэгч иргэнд санхүү, эдийн засгийн болон бусад дэмжлэг үзүүлэх замаар тогтвортой ажлын байр бий болгох хөтөлбөрийн дагуу олгогдох зээлийг ашиглан өрхийн амьжиргааны түвшинг дээшлүүлэх ба өнгөрсөн 2 жилийн хугацаанд Завхан аймаг Улиастай сумд вакум цонхны үйлдвэрлэл явуулж ирсэн туршлага дээрээ үнэдэслэн өөрийн бизнесийг өргөжүүлэх, тоног төхөөрмжөө шинэчлэх зорилгоор энэхүү төслийг бичиж байна.

1.2.2 Төслийн хэрэгцээ шаардлага
Улиастай сум нь барилга хот байгуулалт огцом өөрчлөлт орж, дэвшилтүүд гарч орчин үеийн барилга сүндэрлэх болсон үүнтэй холбогдон цонх, хаалганы үйлдвэр зайлшгүй өөрчлөгдөх шаардлагатай болсон. Цаг уурын эрс тэс уур амьсгалтай манай орон нутаг дэвсгэрийн хувьд орон сууц болон хувь хүний байшинд нэн шаардлагатай дулаан, салхи шороо нэвтрэхгүй, дуу чимээг тусгаарлах чадвартай өндөр технологийн цонх, хаалга үйлдвэрлэх хэрэгцээ бий болсон. Мөн орон нутгийн ард иргэд Улаанбаатар хотоос тээвэрлэн авч ирж хэрэглэхэд, хэрэглэгчид өөрсдөө суулгахад баталгаагүй мэргэжлийн бус учраас эвдрэл гэмтэл гарах, өндөр үнэ өртөг зарцуулах болдог. Сүүлийн жилүүдэд Улиастай суманд хүн амын төвлөрөл ихсэж, хотжилт хурдацтай явагдаж байгаагаас барилга болон дагалдах бүтээгдэхүүн болох хаалга, цонх, хаалтны хэрэгцээ нэмэгдсэн гэх мэт эдийн засгийн нөлөөлөл өсч байна. Иймд манай вакум цонхны үйлдвэр үйл ажиллагаа, тоног төхөөрөмжөө өргөтгөж, нэг ч гэсэн хүнийг ажлын байраар хангах хүсэлтэй.