Монгол улсын Ерөнхийлөгчийн 1 тэр бум мод тарих санаачлага
Үйл ажиллагааны чиглэл: Мод үржүүлэг, жимс, жимсгэнэ, байгаль хамгаалал ,нөхөн сэргээлт, таримал зүлэг, цэцгийн мандал хийх төсөл

Ажилтнуудын тоо: 12 ажилтантай
Төслийн хөрөнгө оруулалт: 400,231,600төгрөг
Төслийн зээлээрх хөрөнгө оруулалт: 300,000,000 төгрөг
Төсөл хэрэгжих хугацаа: 3–н жил

Дэлхий нийтээрээ уур амьсгалын өөрчлөлт, дулаарал, ган зуд, цөлжилт, шар шороон шуурга сүүлийн жилүүдэд маш эрчимтэй явагдаж экологийн хямрал дэлхий нийтийг хамарсан асуудал болоод байна. Экологийн тэнцвэрт байдлыг хангахад чиглэсэн олон талт арга хэмжээнүүдийг авч байгаагийн нэг нь ойг зориудаар тарьж ургуулах, нөхөн сэргээх Монгол улсын Ерөнхийлөгчийн 1 тэр бум мод тарих санаачлага юм.
Мөн хот суурингийн ногоон байгууламжийн хэмжээг нэмэгдүүлснээр агаарын бохирдолыг бууруулах нэг томоохон ажил болох бөгөөд мөн хүний амьдрах орчны ая тух хангагдах юм. Сүүлийн жилүүдэд хотын ногоон байгууламжийг өргөтгөх, ногоон зурвас байгуулах ажил эрчимтэй явагдаж байгаа ч орон нутгийн нөхцөлд дасан зохицсон тарьц, суулгац тэр бүр хангалтгүй байна. Хүн төрөлхтөн ойн экосистемийн ерөнхий зүй тогтолыг харгалзалгүйгээр ашиглаж, нөхөн сэргээх үйл ажиллагааг шинжлэх ухааны үндэслэлтэй явуулаагүйн улмаас байгаль орчин асар их доройтож байна. Тухайлбал, Судлаачид дэлхий нийтийн хэмжээнд жилд 50.0 мянган кв.км талбай нөхөн сэргээгдэхгүйгээр доройтож байгааг тодорхойлжээ. Энэ үйл явцыг “Цөлжилт” хэмээн нэрийдэж байгаа билээ. Монгол орны газар нутгийн 87.9 хувь нь дундаас дээш эрчимтэй цөлжилтөд өртөөд байна. Манай орны хувьд гандуу бүс нутгийн эзлэх талбай сүүлийн 10 жилийн хугацаанд 3.4 хувиар ихэсч, цөлжилт хүчтэй илэрсэн нутгийн талбай 5.4 дахин, маш хүчтэй илэрсэн нутгийн талбай 1.8 хувь нэмэгдсэн байна. Түүнчлэн гандуу бүс нутгийн 3800 ам квт талбай шинээр элсжсэн байна.