УДИРТГАЛ
Сэдэв сонгосон үндэслэл:
Курилийн арлуудын маргааны талаарх тулгамдаж буй асуудал.Энэхүү сэдвийг сонгох болсон үндэслэл нь энэ сэдэв бол түүхэнд ч чухал асуудал байж,одоо ч гэсэн олон улсын харилцаанд төдийгүй геополитикийн түүхэнд ч гол сэдвүүдийн нэг байсаар байна.
Ирээдүйд ч энэ асуудал хэрхэн шийдэгдэх нь тодорхойгүй.Тиймээс миний бие энэ маргааныг хэрхэн шийдвэрлэж болох шийдлийг олохын тулд энэхүү сэдвийг сонгосон болно.
Судалгааны зорилго:
Энэхүү маргаантай асуудлаас уламжлан тухайн үеийн ЗХУ ба Японы хооронд дайны галыг зогсоох энх тайваны гэрээг өнөөдрийг хүртэл байгуулаагүй байдаг.Курилийн арлууд бол стратегийн төдийгүй газар нутгийн өндөр ач холбогдолтой бүс нутаг.
ОХУ,Японы харилцааны гол чухал асуудал бол Дэлхийн хоёрдугаар дайн албан ёсоор дууссаны дараа энх тайваны гэрээнд хоёр улс гарын үсэг зурахаас татгалзахад хүргэсэн Курилийн 4 аралтай холбоотой газар нутгийн маргаантай асуудал байсан юм.
Иймээс энэхүү газар нутгийн маргаантай асуудал хоёр улсын хувьд хэр ач холбогдолтой болон энэхүү асуудлыг шийдвэрлэх арга замыг хайхад оршино.
Судалгааны зорилт:
ОХУ-Японы геополитикийн ашиг сонирхол бүхий Курилийн арлуудын маргаан гэсэн сэдвийг сонгон судлахдаа дараахь зорилтуудыг тавьж холбогдох санал,дүгнэлтийг хийсэн билээ.Үүнд:
 ОХУ болон Япон улсын хамтын гэрээ,түүний түүхэн хөгжлийн онцлогт тулгуурлан өнөөгийн Курилийн арлуудын талаарх маргааны шинж байдлыг тодорхойлох.
 Курилийн арлуудын маргаантай холбоотой түүхэн гэрээ хэлэлцээрүүдэд дүн шинжилгээ хийх.
 Япон улсын Курилийн арлуудын талаарх байр суурьд дүн шинжилгээ хийх.
 ОХУ-ын улсын Курилийн арлуудын талаарх байр суурьд дүн шинжилгээ хийх.