Энэхүү төсөл нь малчдын өдөр тутмын бэлтгэсэн түүхий сүүг шинэлэг байдлаар хадгалах, стандартын дагуу боловсруулж, чанартай сүүн бүтээгдэхүүн үйлдвэрлэх зориулалттай жижиг үйлдвэрийг хоршооны зохион байгуулалтаар байгуулахад чиглэнэ.

Төслийн зорилго нь:

Орон нутгийн сүүний нөөцийг үр ашигтай ашиглах замаар чанаартай, эрүүл, баталгаат сүүн бүтээгдэхүүн үйлдвэрлэх
Малчдаас шууд сүү худалдан авч, тогтвортой орлого бий болгох, нийлүүлэлтийн сүлжээг сайжруулах
Орчин үеийн тоног төхөөрөмж, хөргөлтийн систем нэвтрүүлж, сүүний хадгалалт, ариутгал, савлагааг стандартын түвшинд гүйцэтгэх
Хүүхэд, өндөр настан, эрүүл хооллолт эрхэмлэдэг хэрэглэгчдэд зориулагдсан сүү, тараг, аарц зэрэг бүтээгдэхүүнийг өдөр тутмын хэрэглээнд хүртээмжтэй үнээр нийлүүлэх
Хоршооны гишүүнчлэлд тулгуурлан нийтлэг ашиг сонирхолд суурилсан тогтвортой үйлдвэрлэл, орон нутгийн ажлын байрыг нэмэгдүүлэх
Төслийн хүрээнд өдөрт 1000–3000 литр сүү хадгалах болон боловсруулж боловсруулах хүчин чадалтай жижиг үйлдвэрийн цогц байгууламжийг байгуулна. Үүнд сүү хүлээн авах, хөргөлт хийх, ариутгах, тараг исгэх, аарц буцалгах, бүтээгдэхүүн савлах хэсгүүд багтана.

Сүүний нийлүүлэлтийн улирлын хэлбэлзлийг багасгаж, өвөл, хаврын улиралд хүртэл бүтээгдэхүүн үйлдвэрлэх боломжтой хадгалалтын системийг нэвтрүүлэх нь энэхүү төслийн давуу тал юм.

Энэхүү жижиг үйлдвэр нь малчдын хоршоонд түшиглэсэн, дотоодын хэрэгцээг хангахын зэрэгцээ цаашид орон нутгийн худалдааны төвүүд болон нийслэлийн зах зээлд бүтээгдэхүүн нийлүүлэх боломжийг бүрдүүлнэ.