Энэхүү төсөл нь мал аж ахуй эрхэлдэг гишүүдийн оролцоонд тулгуурласан хоршооны загвараар сүүний ферм байгуулж, химийн нэмэлтгүй, байгалийн гаралтай органик сүү, тараг, аарц үйлдвэрлэхэд чиглэнэ. Төслийн гол зорилго нь гишүүн малчдын орлогыг нэмэгдүүлэх, эрүүл, чанартай бүтээгдэхүүнээр зах зээлийг хангах, орон нутгийн тогтвортой хөгжлийг дэмжих юм.

Хоршооны бүтэц нь хамтын хөрөнгө оруулалт, нэгдсэн менежмент, гишүүдийн оролцоонд тулгуурлаж, сүүний түүхий эдийг тогтмол нийлүүлэх ба боловсруулсан бүтээгдэхүүнийг дотоодын болон олон улсын зах зээлд нийлүүлэх боломжийг бүрдүүлнэ. Төслийн хүрээнд орчин үеийн стандарт тоног төхөөрөмжөөр тоноглогдсон боловсруулах үйлдвэр байгуулж, эрүүл ахуйн шаардлага хангасан, байгальд ээлтэй үйлдвэрлэлийг бий болгоно.

Тус хоршооны үйл ажиллагаа нь:

Хөдөө орон нутгийн малчдын орлогыг нэмэгдүүлэх;
Эрүүл мэндэд тустай, органик сүү, тараг, аарц нийлүүлж хэрэглэгчдийн хэрэгцээг хангах;
Импортын бүтээгдэхүүнийг орлох, улмаар экспортын чиг баримжаатай үйлдвэрлэлийг хөгжүүлэх;
Орон нутгийн хөгжилд хувь нэмэр оруулах, ажлын байр нэмэгдүүлэхэд чиглэнэ.