Санхүүжилт - 38,8 тэрбум /99хуудас Word файл/
<p>төмрийн хүдэр олборлох үеийн ил уурхайн цахилгаан хангамжийн төсөл</p>
1.1 Ордын ерөнхий тодорхойлолт
“Алтайн Хүдэр” ХХК-ны Таянннуурын төмрийн хүдрийн орд нь Говь-Алтай аймгийн Цээл сумын нутгийн хойд талд Улаанбаатар хотоос 1300 км, Говь-Алтай аймгийн төв Алтай хотоос баруун урагшаа 162 км, Цээл сумын төвөөс баруун тийш 18 км-т тус тус байрлана.
Таяннуурын төмрийн ордод “Алтайн Хүдэр” ХХК 2007 онд эрэл, түүний зарим хэсэгт хайгуулын эрэл, зарим хэсэгт хайгуулын ажил гүйцэтгэн тухайн орд газар нь Төв, Баруун, Зүүн гэсэн 3 бие даасан биетээс тогтдог болохыг тогтоож төв биетийн баруун хэсэгт хайгуулын, зүүн болон баруун биетэд эрлийн ажлыг тус тус явуулж төв биетийн баруун хэсгийн нөөцийг B,C зэргээр 16,19 сая тонноор тогтоожээ.
Хайгуулын талбай түүний орчин тойрон нь Монгол Алтайн гол нуруу ба түүний салбар их бага Таянгийн нуруунуудын хойд талаар орших Сухайтын хоолойн хойт хэсэгт байрлах бөгөөд далайн төвшнөөс дээш 1788м-2258м-ийн өндөрт өргөгдсөн, хэрчигдэл багатай, дов толгодорхог рельефтэй.
Талбайд байгаа хамгийн өндөр цэг нь Сээрийн харуул (2139.3м), хамгийн нам цэг нь (1906.8)м-т орших нэргүй өндөрлөг юм. Эдгээр уулс шовхдуу оройтой намхавтар уулсын хооронд элэгдэл хуримтлалын үр дүнд үүссэн тэгш гадаргуутай жижиг хөндий, уулс хоорондын хонхорууд эзлэнэ.
Талбай түүний орчин тойрон нь эх газрын эрс тэс халуун хуурай уур амьсгалтай. Цээл сум болон түүний орчин тойрны цаг уурын элементүүдийн сүүлийн 10 жилийн ажиглалтын дундажаар 9.85мм хурдас унах ба дундаж жилийн температур -10.490-12.430 хэмийн хооронд хэлбэлзэнэ. Хамгийн их тундас 5-8-р сарын хооронд унах ба хамгийн халуун үе нь 7-р сар +380 ,хамгийн хүйтэн үе нь 1-р сард -36.20 хүртэл хүйтэрнэ.
Хайгуулын талбай болон түүний орчин тойронд усан сүлжээ муу хөгжсөн, Алтайн гол нурууны өвөр болон Бага Таянгийн нурууны араас эх авсан түр зуурын урсгалтай жижиг гол горхи, гуу жалга элбэгтэй боловч эдгээр нь байнгын урсгалгүй хуурай сайрууд байдаг.
Харин талбайд болон түүний эргэн тойронд гадаргуугийн усаар тэжээгддэг булаг шанд элбэгтэй бөгөөд давстай 2 жижиг нууртай, эдгээр ус нь хатуулаг ихтэй, давстай учир тэр болгон ундны усанд хэрэглэхэд тохиромжгүй. Талбайн хэмжээнд явагдсан гидрогеологийн судалгаагаар гүний усны арвин нөөцтөй гэж тогтоогдсон байдаг бөгөөд одоогийн байдлаар бага гүний 3 уурхайн худаг, Цээл сумын төвд гүний 2 худаг тус тус ажилладаг.