Хүүхдийн эсрэг хүчирхийллийн тухай онол, баримтад хийсэн дүн шинжилгээ, дүгнэлт бүхий 12 нүүр бие даалт
Зорилго: Хүүхдийн эсрэг хүчирхийллийн тохиолдолд эрх зүйн орчны дүн шинжилгээ хийх
Зорилт: 
1.Хүүхэд хамгааллын талаар онолын ойлголттой болно.
2.Кейс, материал олно.
3.Хууль, эрх зүйн баримт бичгүүдтэй танилцана. 
4.Кейсдээ дүн шинжилгээ хийж, асуудлыг тодорхойлно.
5.Хийсэн ажилдаа дүгнэлт хийж, эргэцүүлнэ.
Үндэслэл:
Нас, сэтгэхүй, оюун ухаан, амьдралын онцлог байдлын улмаас хүүхэд бүр хүчирхийлэл, дарамт, мөлжлөг, үйл хайхрах байдалд өртөх эрсдэлтэй байдаг. Манай улсад хийгдсэн олон судалгаанаас үзвэл хоёр хүүхэд тутмын нэг нь ямар нэгэн байдлаар хүчирхийлэлд өртөж байна. Тиймээс хүүхдийг хамгаалал гэдэг нь маш чухал асуудал юм. Тухайн тохиолдолд 13 настай охин төрсөн эхийнхээ дарамтад орон гэр бүлийн орчиндоо бие махбод, сэтгэл санааны хүчирхийлэлд өртөн эрхээ боогдуулж, тоглож наадах гэнэн цайлган насандаа ахадсан зовлонг үүрч амьдарч байна. Мөн хүүхдийн амьдрах, хөгжих, хамгаалуулах, нийгмийн амьдралд оролцох үндсэн эрхүүдээс нь хөгжих, хамгаалуулах эрх нь ноцтой зөрчигдөж байна. Энэ хэний буруу вэ? хэн энэ явдалд хариуцлага хүлээх ёстой вэ? Төрсөн эцэг эх нь үү? Төр засаг уу? Чухам эдгээр асуудлуудад хариулт эрэлхийлэхийг зорином. 
Ач холбогдол:
Хүүхдийн эрхийг ноцтой зөрчигдүүлж буй уг асуудлыг хууль, эрх зүйн орчинд судалж, өдгөө мөрдөгдөж буй хууль, тогтоомж, зарчмуудад дүн шинжилгээ хийн өнөөгийн нийгэмд хамгийн ихээр тулгамдаж буй хүүхэд хамгааллын асуудлын тухай эрх зүйн мэдлэгтэй болох нь уг ажлын нэн тэргүүний зорилго, ач холбогдол нь юм.