Банкны актив пассивийн шинжилгээ
ОРШИЛ
Монгол Улсын Банкны тухай хуулийг 1991 оны 4 дүгээр сарын 20-ны өдөр батлан гаргаснаар Монгол Улсад Төв банк, арилжааны банк гэсэн 2 шатлал бүхий банкны систем бүрэлдэн тогтсон билээ. 
Санхүүгийн тайлангийн шинжилгээгээр санхүүгийн байдал ба үйл ажиллагааны гүйцэтгэлтйг үнэлэн ирээдүйн боломжоо олж харах, өртгийг бодитой тооцох, үйл ажиллагааны үр дүнг дээшлүүлэх боломжийг тодорхойлох, удирдлагын шийдвэр гаргахад шаардлагатай мэдээллээр хангах үүднээс хийгддэг.
Санхүүгийн тайланд шинжилгээ хийснээр аж ахуйн нэгж, байгууллагуудад санхүүгийн тайланд шинжилгээ хийх үзүүлэлт болон арга зүйг танилцуулах, туслалцаа үзүүлэх. Аж ахуйн нэгж, байгууллагын санхүү, эдийн засгийн үзүүлэлтүүдийг хооронд нь харьцуулах боломжийг хангахад оршино. Санхүүгийн тайлангийн шинжилгээний зорилго нь:
●  	Тухайн аж ахуйн нэгж, байгууллага үйлдвэрлэл, үйлчилгээ, санхүү эдийн засгийн хувьд тайлангийн хугацаанд ямар зорилт дэвшүүлж, тэр нь хэрхэн биелсэнийг тодорхойлох.
●  	Санхүү, эдийн засгийн өнөөгийн хүрсэн түвшин, ирээдүйн төлөв байдлыг тодорхойлох.
●  	Санхүүгийн бодлого, ирээдүйн зорилтыг хэрэгжүүлэхэд шаардагдах хүч боломж (хөрөнгө, санхүүжилт) -ыг үнэлэн тодорхойлж, удирдлагын бүх түвшинд оновчтой шийдвэр гаргахад туслах.