SPSS-ийн зохион байгуулалт, зарчмууд /PDF 50 хуудастай/
1.2 SPSS-ийн товч танилцуулга
Тоон мэдээллийг статистик аргаар боловсруулдаг BMDF, SAS, SPSS,
STATGRAPHIC зэрэг олон программ байдгаас, социологйин хэрэглээнд зориулагдаж
түгээмэл тархсан нь SPSS юм. Эл программ нь бидний ашиглаж заншсан Windows
программ шиг цонхны зохион байгуулалттай, хэрэглэхэд хялбар, программчлалын нарийн
мэргэжил шаарддаггүй тул судлаач, социологич, сэтгэл зүйчдын талархлыг хүлээж дэлхий
даяар дэлгэрэн мэдээллийг боловсруулахад өргөн хэрэглэгдэх болсон билээ. Энэ систем нь
дээхэн үеийн тооцоолон бодох том машинаас (ЭВМ) улбаатай агаад өнөөгийн персонал
компьютерт зохицон өөрчлөгдсөөр иржээ. SPSS нь MS DOS дээр суурилсан байснаа
Windows хангамжтай болохдоо 6.0,7.0, 7.5, 8.0, 9.0 гэсэн хэдэн хувилбарыг дамжин
байрлалт, зохион байгуулалтын хувьд улам боловсронгуй болон шинэчлэгдсээр байна.
1.2. SPSS-ийн үндсэн цонх (Window)
Бидний авч үзэж буй SPSS-ийн сүүлийн үеийн хувилбарууд Widows-ийн дэмжлэгтэй
болохоор зохион байгуулалт ба ажиллах зарчим нь Windows-тэй төстэй. Тухайлбал цонхны
зохион байгуулалт, идэвхжүүлэлт, мэдээлэл хувилах, оруулах, оруулах, солих, хадгалах
үйлдлүүд нь бичиг баримтын хяналтын Microsoft Word-тай адил. Програмд орохын тулд
Start, Programs, SPSS-ийнхээ тэмдгийг сонгож дарна. Тэгэхэд дэлгэц дээр хоосон хүснэгттэй
цонх гарч ирнэ. SPSS-ийн 8.0, 9.0 дугаар хувилбарууд нь бас танд шинэ мэдээлэл оруулах,
хадаглагдаж буй файлыг ашиглах зэрэг үйл ажиллагааны хэлбэрийг сонгох санал болгоно.
6.0, 7, 7.5 дугаар хувилбарт хоосон хүснэгт бий болгоно.
Зураг 1.1 SPSS-руу ороход гарч ирдэг цонх (Data Editor)